اكاديمية المصمم موكشا

حياك الله
لقدسعدنا بقدومك الينا
اتمنا ان تفيد وتستفيد
وان تقضي اجمل الاوقات معنا
فمرحبا بك
وفي انتظار مشاركتك الجميله

منتدي محمدخالدلطفي


    &&رسالة نهر&&

    avatar
    محمدخالدلطفي
    Admin

    عدد المساهمات : 346
    تاريخ التسجيل : 25/08/2011
    العمر : 22

    &&رسالة نهر&& Empty &&رسالة نهر&&

    مُساهمة  محمدخالدلطفي في الثلاثاء نوفمبر 06, 2012 8:08 am

    من ضفة جرف عطشانه للشوك
    من موجه اعله نورس عاقده امال
    من رجفة شراع بدون تصريح
    تمشي وماكو مرسى يحل الاشكال
    الى ..........
    الى من لايعي حجم المعاناة
    الى جيثوم ناصب شرك بالبال
    الى الجف الصفع كل حلم بالروح
    الى الفاركني وانه بعازة هلال
    اكلهم وانه شيبي الكصب والناي
    انه محتاج دعوه تغير الفال
    السمه تسورب بعيني وروجي زعلان
    ويتبخر نحيبي غيوم عذال
    انه بصدري نبع خل يشرب الغيم
    بس كون المطر مو شتم ينهال
    اشوف الناس تجفي من العشك ليش
    بس اعله النفاق بكثره الاقبال
    ( وكت الصيف حجه الحر والسموم
    شعب وكت الشتا من البرد جال )
    مانعرف نغير حالنه بيوم
    حقه الاجنبي لو بالوضع صال
    كبل عن ناسي اسمع دار الاكرام
    الحقيقه اليوم اشوفن بس الاطلال
    تاكل بيه ريح العنصريات
    ويركصن كبالي لسرد السمال
    أعطر بالقصيده بعنبر الحوت
    واجيبلهه ذهب من جوه الرمال
    يحسدوني اعله روحي التبحر بعيد
    تأنق بالخريف ومامش شتال
    أطمن الفاكده باجر يعودون
    وانحت للشهيد بشعري تمثال
    وامر اعله السجين البات مظلوم
    وارسمله امل عالظلم ينشال
    وامر اعله الربع الكاهم بكيف
    ماخذهم لهو الباقي من الوشال
    فحلهم زوبعه يرعد يطبلون
    بس فنه اليفرزن جملته شكال
    أكلهم ثقفت بس صوتي مبحوح
    يكلولي ضعيف نريد مهوال
    مااعرف أمثل عالمنصات
    الشاعر مو ممثل حتى يحتال
    الشاعر قضيه زائد احساس
    مو زيف وصراخ وركص للمال
    الشاعر مترجم حاجة الناس
    ماكولن رسول الاصح مرسال
    واهن مرن علي كل التفاصيل
    وعرفت اهل الاقوال واهل الافعال
    واتباريت غاية صوتي الانسان
    وتحاربت من القيل والقال
    وماهمني المريض العاش مغرور
    ولاهمني الطفل اليمجد ذيال
    انه عندي خلك يجزيهه ويروح
    مايثنيني لحظه الزبد لوسال
    انه طبعي نهر شابع محطات
    وبجيبي نتاج وراسي شلال
    امر بيهم بريء وقصدي كل خير
    اريد اروي الحقيقي البالجمع ظال
    يلاكوني البعض جنهم ثعابين
    وجوه بلامعاني جنهن خيال
    ويمر موجي بشرف ويعدهم اشياء
    وألون بالفراغ واصنع اشكال
    اجيب بكل وكت بجفوفي نيسان
    وأقطرلهم ندى بكل بيت موال
    ازرع ماافكر باجر شلون
    ماتاني الحصاد وثمر وسلال
    اكو رب اليجازي الزين والشين
    انه مخليهه يمه بكل الاحوال

      الوقت/التاريخ الآن هو الخميس أبريل 18, 2019 2:31 pm